Antitrombositar terapiya üzrə tövsiyələr
• Kəskin koronar sindrom zamanı və ardınca gələn 12 ay ərzində yüksək qanaxma riski kimi əks-göstərişlər olmadığı halda ikiqat antitrombositar terapiyanın aspirin ilə birlikdə P2Y12 inhibitoru (tikaqrelor və ya prasuqrel) vasitəsilə aparılması tövsiyə olunur.
• Tikaqrelor və ya prasuqrel qəbul edə bilməyən pasiyentlərə klopidoqrel (yükləmə dozası 600 mq, gündəlik doza 75 mq) tövsiyə olunur.
• Miokard infarktından sonra ürəyin işemik xəstəliyinin xronik mərhələsinin (>12 ay) ikincili profilaktikası zamanı aspirin qəbulu tövsiyə olunur.
• Qeyri-kardioembolik tranzitor işemik həmləsi və ya işemik insultu olan xəstələrə aspirinlə birlikdə dipiridamol və ya yalnız klopidoqrel qəbulu tövsiyə olunur.
• Dipiridamol və ya klopidoqrelə qarşı dözümsüzlük (baş ağrısı) halı olarsa, yalnız aspirin qəbulu tövsiyə olunur.
• Qeyri-kardioembolik serebral işemiya hallarında antikoaqulyatlar aspirin qəbuluna üstün gəlmir və tövsiyə olunmur.
• Yüksək qanaxma riski ilə əlaqədar olaraq aspirin və ya klopidoqrel ürək-damar və beyin-damar xəstəlikləri olmadan pasiyentlərə tövsiyə edilmir.